Su’aalaha Inta Badan La Isweydiiyo – Xuquuqda caafimaadka ee wadanka Talyaaniga

Si aad u hesho adeegyada daryeelka  

caafimaadka, waa in aad iska diiwaan gasha  tNidaamka Caafimaadka Qaranka oo aad  haysato kaarka caafimaadka (ama kaarka  

STP-koodka looga baahan yahay si aad u  hesho adeegyada daryeelka caafimaadka  qaarkood ee muwaadiniinta aan EU-da ahayn  ee ku sugan Talyaaniga iyada oo aan haysan  sharci degenaansho oo shaqeynaya ). Xubin  kasta oo qoyska ka mid ah, oo ay ku jiraan  carruurtu, waa in ay haystaan kaarkooda  caafimaadka ama kaarka STP.  

Kaarka caafimaadka waxa lagu siin doonaa isla  marka aad iska diiwaan geliso Nidaamka  Caafimaadka Qaranka. Wuxuuna shaqeynayaa  intuu sharcigaaga degenaanshada uu  

shaqeynayo waxaan la cusboonaysiiyay ka dib  markaad cusboonaysiiso sharcigaaga  

degenaanshada. Maxaana loogu talagalay?  – Si aad ugu tagto dhakhtarka bilaashka ah.  

– Si aad u iibsato daawada dhakhtar qoray.  

– In la maro shaybaadho caafimaad ama  booqashooyin (booqashooyinka caafimaad ee  guud ee rugta caafimaadka, booqashooyinka

caafimaad ee takhasuska leh, booqashooyinka  caafimaadka guriga, tallaalada, baadhista  dhiiga, raajada, ultrasounds). 

– In lagugu daweeyo isbitaalka. 

– Si aad daawaynta uga hesho wadamada kale  ee Midowga Yurub, waa inaad ka codsataa  maamulka caafimaadka deegaankaaga (ASL) si  aad u hesho Kaarka Caymiska Caafimaadka Yurub – TEAM –. 

Haddii aadan haysan sharci degenaansho oo  shaqeynaya , waxaad ka codsan kartaa kaarka  STP (Ajnabiga ku-meel-gaarka ah ee ku sugan  waddanka) xarumaha Maamulka Caafimaadka  Deegaanka (ASL) (eeg khariidadda si aad u  hesho xafiisyada kuugu dhow:  

https://www.jumamap.it/map/litemap.php?ser= san)

Kaarka STP waa dukumeenti (koodhka  cashuuraha ku meel gaarka ah) kaas oo kuu  ogolaanaya inaad si bilaash ah ku hesho  daryeel caafimaad oo degdeg ah. Kaarka waxaa  bixiya Maamulka Caafimaadka Deegaanka  (ASL), waa lacag la’aan, wuxuuna shaqeynayaa  lix bilood, ka dib waa la cusboonaysiin karaa  xitaa haddii aadan uusan sharcigaaga weli  dhameystirneyn.

Diiwaangelinta Adeegga Caafimaadka Qaranka  (SSN)waa ku qasab kuwa haysta oggolaanshaha joogitaanka:  

– shaqada uu qof shaqaale kale u yahay – iskaa u shaqeysiga, 

– sababaha qoyska, 

– magangalyo caalimi , 

– magangalyo heerkeeda labaad, 

– kiisas gaar ah, 

– ilaalin gaar ah  

– daryeelka caafimaadka (haddii ay jiraan  cudurro halis ah oo gaar ah, kuwaas oo aan ka

heli karin daaweyn ku filan dalka ay ka  yimaadeen);  

– Codsiga magangalyada (magangelyo-doonku waa laga dhaafay bixinta kharashka adeegyada  daryeelka caafimaadka lixda bilood ee ugu  horreeya ka dib imaatinka Talyaaniga) 

– sugitaanka korsashada,, 

– daryeelka korinta, 

– qaadashada dhalashada.  

Dhallaanka ajnabiga da’ yar ka ah ee aan  lala socon waxaa loo tixgeliya dadka nugul,  diiwaangelintooda Adeegga Caafimaadka  Qaranka waa qasab waana bilaash. Xataa  haddii ilmuhu uu sugayo sharciga  

degenaanshaha, waxay heli karaan daryeel  caafimaad.  

Haddii aad haysato sharci daganaansho oo aan  kuwan aan soo sheegnay (tusaale ahaan,  arrimo waxbarasho ama la mid ah ), waa in  lagu daryeela haddii ay dhacdo in aad  xanuusato, shil ku dhacao ama umusha.. Sidaa  darteed : 

– Qaado caymiska caafimaadka gaarka ah  (Talyaani ama ajnabi, laakiin ka shaqeeya  Talyaaniga); 

– si ikhtiyaari ah iska diiwaan geli Adeegga  Caafimaadka Qaranka (SSN), adigoo bixinaya  khidmad sanadle ah (ka eeg sifooyin kasta oo  cusub ama qiimo dhimis). 

Fadlan ogow! Ogolaanshaha degenaanshada “deganaansho la doortay” (badanaa la siiyo ajaanibta naafada ah) xaq kuma siinayso  diiwaangelinta bilaashka ah ee Adeegga  Caafimaadka Qaranka (SSN). Kuwa haysta ma  awoodi karaan inay helaan “daryeelka degdega  ah oo lama huraanka ah” ee loo dammaanad  qaaday ajaaniibta sharci la’aan. Xaaladahan,  caymis kale ayaa loo baahan yahay (caymis  ama diiwaangelin ikhtiyaari ah, haddii ay  suurtagal tahay). 

Wixii macluumaad ah, kala xidhiidh khadka  taleefanka lacag la’aanta ah 800 999 977,  NABILA, xafiiska caawinta ee muwaadiniinta  soogalootiga ah ee naafada iyo ee nuqul

( booqo bogga Juma Map https://www.jumamap.it/so/xaddidaad-awood-jireed/)

Si aad isu diiwaan geliso, waa inaad u tagtaa  ASL (Maamulka Caafimaadka Deegaanka) ee magaaladaada: 

– Ogolaanshahaaga joogitaanka (ama  rasiidhka haddii aad sugayso sharciga  degenaanshada). 

– Dukumeenti caddaynaya deegaankaaga  (heshiiska kirada guri, caddaynta martigelinta,  iwm.). 

Tusaale ahaan, haddii aad ku nooshahay Rome, waa inaad u tagtaa xafiiska ASL ee  

degaankaaga adigoo wata dukumentiyada loo  baahan yahay. 

Diiwaangelinta iyo kaadhku waa bilaash,  laakiin waa inaad haysataa lambarkaaga  kaarka cashuurta.

Haddii aad si ku meel gaar ah u joogto  Talyaaniga ama aanad haysan sharci: 

• Haddii aad tahay muwaadin ajnabi ah oo aan  haysan ogolaanshaha joogitaanka oo aad ka  timid waddan aan EU ahayn (tusaale,  Maraykanka, Gambia, Afgaanistaan), waxaad  weli xaq u leedahay daryeel caafimaad oo  lagama maarmaan ah oo degdeg ah.  

Isbitaalada dadweynuhu waxay ku qasban  yihiin inay bixiyaan daryeel, xitaa haddii aadan  awoodin. 

Si aad u hesho caawimo, waxaad codsan kartaa  kaarka STP (Ajnabita

si ku-meel-gaadhka ah waddanka ku sugan),  dukumeenti (koodhka cashuuraha ku meel  gaarka ah) kaas oo kuu ogolaanaya inaad hesho  daryeel degdeg ah oo bilaash ah (taas oo aan  dib loo dhigi karin iyada oo aan khatar ku  imaan karto nolosha ama caafimaadka) iyo  daryeelka lagama maarmaanka ah 

(adeegyada ogaanshaha iyo daaweynta  caafimaadka ee xaaladaha aan khatar ku ahayn  muddada gaaban, laakiin waqti ka dib ku keeni  kartaa dhaawac weyn ama halis u ah nolosha  qofka). 

Tusaalooyinka qofka heli kara kaarka STP:

Qof kasta oo u baahan daryeel caafimaad  laakiin heer sharci uusan ku caddeyn  

waddankaTalyaaniga. Tusaale ahaan: 

– Dalxiisayaasha ee booqadana Talyaaniga  muddo gaaban oo u baahan daryeel degdeg ah. 

– Magangalyo doonka sugaya sharciga  degenaanshaha. 

-Gobolada qaarkood, dhallaan ajaanib ah oo  aan lala socon oo hadda yimid Talyaaniga oo  sugaya sharciga degenaanshaha. 

– Ajaanibka ku jira xaalado sharci la’aan , Si  kastaba ha ahaatee wey heli kara daryeelka  degdegga ah. 

● Qofku hadduu ka yimaaddo meel ka baxsan  Yurub oo uu haysto sharciga degenaanshaha  wax ka yar lix bilood, wuxuu helayaa kaarka  caafimaadka ee ku meel gaarka ah. Kaarkan,  waxaad ku heli kartaa daryeel caafimaad,  laakiin kaliya inta uu shaqeynayo sharcigaga  degenaanshaha.

Dhakhtarkaaga aasaasiga ah (ama  

dhakhtarka qoyska) waa qofka ku siinaya  daryeelka caafimaadka aasaasiga ah, haddii loo  baahdo, ku tilmaamayo oo kugu hagaya  adeegyada caafimaadka gaarka ah ee aad u  baahan tahay. 

Muxuu sameeyaa dhakhtarka guud? 

• Waxuu kaa hubinaya xanuunada caadiga ah  (hargabka, madax-xanuun, qandho, iwm.). 
• Wuxuu kuu qoraa dawooyin wuxuuna kuu  gudbinayaa dhakhaatiir takhasus leh haddii loo  baahdo. 
• Wuxuu bixiyaa shahaadooyin caafimaad. 

Haddii aad leedahay astaamo xanuun fudud,  waa inaad marka hore la tashato dhakhtarka  guud intii aad si toos ah u aadi lahayd  isbitaalka. Adeegyada dhakhtarka guud waa  bilaash.

Ka dib markaad iska diiwaan geliso Adeegga  Caafimaadka Qaranka (SSN), waxaad dooran  kartaa dhakhtarkaaga daryeelka guud , ama mid  si toos ah ayaa laguugu meelayn doonaa. Si aad  u doorato dhakhtarkaaga daryeelka guud  gudaha Talyaaniga, waa inaad la xiriirtaa ASL  (Maamulka Caafimaadka Maxaliga ah) ee  agagaarkaaga deegaankaada . Xafiisku wuxuu  ku tusi doonaa dhakhtarkaaga daryeelka guud laga heli karo aaggaaga, waxaana lagu weydiin  doonaa inaad mid doorato (xafiisku talo kuma  siin karo ).

Waxaad wici kartaa xafiiska dhakhtarka ama  waxaad booqan kartaa shakhsi ahaan saacadaha  shaqada. Balan baa wada qabsan kartaan  maalin iyo waqtiga booqashada . Dhakhaatiirta  qaarkood waxay kaloo aqbalaan la kulantooda saacadaha rugtooda shaqada shaqenaya balan  laa’an. 

Fadlan ogow: Haddii aadan si fiican ugu  hadlin af Talyaaniga, waxaad horey u soo  wadan kartaa turjubaan xilliga ballanta  dhakhtarkaada. Si aad isku fahamtan oo aad  

ula hadasho dhakhtarkaaga waa muhiim: inaad  haysato turjubaan ayaa kaa caawin karta inaad  si fiican isu fahantaan oo aad hesho daryeel sax  ah.

Helitaanka Adeegga Caafimaadka Qaranka  (SSN) waxay ku adkaan kartaa kuwa ka  imaanaya waddan kale, gaar ahaan arrimaha la

xiriira dukumentiyada iyo nidaamyada  xafiisyada. 

Mid ka mid ah dhibaatooyinka ugu waaweyn  waxay khuseeyaan dadka sugaya sharciga  degenaanshaha. Gaar ahaan: 

• Kuwa codsanaya magangelyo inta badan  waxay haystaan rasiidh shuruudaya codsi  magangalyada, laakiin weli ma haystaan sharci  degenaansho rasmi ah. 
• Sharci degenaashaha qofka aan haysan , way  adagtahay in la helo koodka canshuurta oo  dambaystiran , kaas oo looga baahan yahay in  laga diiwaan galiyay Adeegga Caafimaadka  Qaranka (SSN). 
• Magangalyo doonka wax ay helaan koodka  canshuurta lambaro ah laakiin tani mar  walba nidaamka caafimaadku ma aqbalo. 

Xalka suurtagalka ah: Qareenadu waxay soo  jeedinayaan in loo tixgeliyo warqadda  mushaharka sidii dukumeenti ansax ah oo  lagu codsanayo koodka cashuurta ama  helitaanka koodka cashuuraha ku meel  gaadhka ah (kaaso ah , Kaarka STP – Ajaanibka Ku Meel Gaarka ah ee Jooga). 

La tasho qareen ama adeegga gargaarka  sharciga 

https://www.jumamap.it/map/litemap.php?ser=leg 

Carruurta aan qaan-gaarin ee ajnabiga ah ee  aan lala socon waxay sidoo kale la kulmi  karaan dhibaatooyin marka hore, maadaama ay  sugayaan dukumentiyada rasmiga ah. Si  kastaba ha ahaatee, waxaa muhiim ah in la ogaado inay xaq u leeyihiin diiwaangelinta  khasabka ah iyo bilaashka ah ee Nidaamka  Caafimaadka Qaranka oo ay tahay in loo  daryeelo sida dhammaan carruurta kale ee  Talyaaniga.

• Waa inaad u tagtaa dhakhtarkaaga daryeelka  aasaasiga ah dhibaatooyin caafimaad oo fudud  (madax-xanuun, qandho, xanuun iyo xanuun  kala duwan). Takhtarkaaga daryeelka aasaasiga  ah ayaa laga yaabaa inuu kuu qoro  

booqashooyin ama baaritaanno takhasus leh. 

• Waa inaad u tagtaa adeega caafimaadka  degdega ah dhibaatooyinka ka dhasha  habeenkii, maalmaha fasaxa ah ka horeyo , ama  maalmaha fasaxa, maalmaahas oo  

dhakhtarkaaga aasaasiga ah aan la heli karin. 

• Waa inaad u tagtaa xarunta gargaarka  degdega ah oo keliya xaaladaha degdegga ah ee  halista ah, sida neefsashada oo kugu adkaata,  dhaawac daran, feero xanuun daran, iwm. 

U fiirso koodka gargaarka degdega ah: Markaad timaaddo cisbitaalka, kalkaalisada  ayaa qiimayn doonta xaaladaada oo ku siin  doonta koodka midab leh tilmaamaya: ● Casaan: waxuu tilmaama xaalad naftada halis loogu baqayay , una baahan daryeel  degdeg ah. 

• Jaalle: wuxuu tilmaamaya dhibaato halis ah,  una baahan daryeel degdeg ah 
• Cagaaran: waxuu tilmaamaya dhibaao oo  halisteeda yar tahay, una baahan sugitaan. ● Caddaan: waxay muujisaa inaysan ahayn  xaalad degdeg ah, una baahan sugitaan dheer  ama lagu gudbiyo dhaqtarkaada guud. 

Haddii xaaladdaadu aanay degdeg ahayn, waxa  laga yaabaa inaad dhawr saacadood sugto.  Taasi waa sababta ay muhiim u tahay inaad la  tashato dhakhtarkaaga daryeelka aasaasiga ah  ama adeega caafimaadka degdega ah ka hor  inta aanad rugta gaargaarka degdega aad ah  ayadan tagin.

Haddii dhakhtarkaaga daryeelka aasaasiga uu aaminsan yahay in xaaladda dhibaatada  caafimaadku ee u baahan tahay qiimayn  dheeraad ah, waxa laga yaabaa in u gudbiyo bukaanka takhtar takhasus leh , takhtar ku  takhasusay qayb gaar ah (tusaale, dhakhtarka  indhaha ee indhaha, dhakhtarka jimicsiga  murqaha, dhakhtarka wadnaha ee wadnaha,  iwm.). 

Mararka qaarkood, si loo fahmo dhibaatada,  khabiirku wuxuu codsadaa baaritaannada  ogaanshaha sida raajada ama MRIs. Si kastaba  ha ahaatee, marka la eego tirada badan ee  dadka u baahan baarista , sugitaanku 

baaritaanka muddo qaata. 

Sidee loo go’aamiyaa mudnaanta? 

dhakhtarkaaga daryeelka aasaasiga wuxuu  ku qoraya koodka degdega ah codsiga  booqashada takhasuska: 

• U (Degdeg): Baarista caafimaadka dhawr  maalmood gudahood. 
• B (Gaaban): Baarista caafimaadka 10  maalmood gudahood. 
• D (Dib loo dhigi karo): Baarista  

caafimaadka 30-60 maalmood gudahood. 

• P ( Waqti loo qaban doono): Aan degdeg  ahayn, waxay sugi kartaa waqti dheer. 

Haddii waqtiyada sugitaanku aad u dheer  yihiin, waxaad awoodaa: 

1. Hubi cisbitaalada kale ee ku yaal  

magaalooyinka u dhow, halkaas oo laga yaabo  inay sugitaan gaaban ka jiri karaan. 

2. Waydii haddii ay jiraan ballamo laga heli  karo gubaha daryeelka caafimaadka gaarka  loo leeyahay, adiga oo bixinaya kaliya qayb bixinta – Ticket (haddii la heli karo).
3. La xidhiidh xarumaha caafimaadka si aad  uga warbixiso xaalada degdega ah iskuna day  inaad balanta xilligeeda soo hormariso.

Haddii aadan si fiican u fahmayn luqada  talyaaniga, fadlan hore u ogeysii shaqaalaha  caafimaadka baahidaada si ay kuugu  

diyaariyaan turjubaan inta lagu jiro  

balantaada.

Dhakhtarka carruurtu waa dhakhtar daryeela  caafimaadka carruurta iyo dhallinyarada. Waxay la socdaan koritaankooda, daaweeyaan  jirrooyinka iyo khalkhalka, wuxu qoraa  daawooyinka ku habboon iyo tallaalada ka  hortagga, waxayna bixiyaan talo ku saabsan  baahiyaha caafimaad ee carruurta yaryar  (quudinta, hurdada, arrimaha dabeecadda,  iwm.). Dalka Talyaaniga, ilmo kastaa wuxuu  xaq u leeyahay daryeelka dhakhtarka carruurta. 

Si aad u hesho dhakhtarka carruurta ee dalka  Talyaaniga, waxaad ka hubin kartaa liiska  dhakhaatiirta carruurta ee agagaarkaaga, oo  laga heli karo xafiiska daryeelka caafimaadka  ee degaankaaga (ASL). Haddii kale, waxaad  talo weydiin kartaa asxaabta, qaraabada, ama  dadka ku nool agagaarkaaga.

– Wac 112 (lambarka xaaladda degdegga ah ee  qaranka ee bilaashka ah). 

– Aad xarunta gargaarka degdega ah ee  carruurta ee cisbitaalka kuugu dhow. 

– Si cad ugu sharax calaamada ama xaalada  degdega ah bixiyaha shaqaalaha caafimaadka. 

– Had iyo jeer gacanta ku hay lambarka  telefoonka dhakhtarkaaga carruurta si markaad  u baahto si dhib yar u hesho .