Është online shpallja Migriricerca II e promovuar nga FIERI (Forumi Ndërkombëtar dhe Evropian i Kërkimeve mbi Imigracionin), i cili u garanton të rinjve me prejardhje migrante një kurs trajnimi për të bërë kërkime sociale. Tani në edicionin e dytë këtë vit, thirrja mbështetet nga Fondazione Compagnia di San Paolo dhe lind nga një premisë: edhe pse migrimet përfaqësojnë për shkencat sociale, një objekt me interes të madh, kërkime mbi fenomenet migratore dhe proceset e përfshirjes apo përjashtimit social në lidhje me to është prodhuar pothuajse tërësisht nga studiues vendas, pa përvojë migrimi individual dhe/ose familjar. Kjo rrethanë ndikon edhe në kontekstin italian, ku, megjithëse emigracioni ka qenë një element vendimtar i demografisë kombëtare për dekada të tëra, emigrantët e rinj ose ata me prejardhje migrante janë të nën-përfaqësuar në profesionet kulturore dhe veçanërisht në botën akademike. Zgjerimi i këtij përfaqësimi nuk është vetëm një çështje e drejtësisë sociale, por edhe e cilësisë së kërkimit.
Për tu kandiduar ka kohë deri më 30 qershor 2022.
Kërkesat
- të jenë të lindur jashtë vendit dhe emigrantë në Itali ose të kenë prejardhje migratore
- mosha nën 30 vjeç (e paplotësuar ende në momentin e paraqitjes së aplikimit) ose nën 32 vjeç (e paplotësuar ende në momentin e dorëzimit të aplikimit nëse kandidati ka bërë një doktoraturë)
- Të kenë bërë (në Itali ose jashtë) një diplomë specialistike ose master ose doktoraturë kërkimore në një nga fushat e mëposhtme lëndore: Fusha 11 – Shkenca historike, filozofike, pedagogjike dhe psikologjike; Fusha 12 – Shkenca Juridike; Fusha 13 – Shkenca ekonomike dhe statistikore; Fusha 14 – Shkenca politike dhe sociale.
Informacion mbi bursën
Aktivitetet e mbështetura nga bursa do të fillojnë më 1 shtator 2022 dhe do të përfundojnë më 31 gusht 2023. Shuma e bursës, e cila do të disbursohet nëpërmjet një marrëveshjeje bashkëpunimi të koordinuar dhe të vazhdueshme, do të jetë 16,800 € neto, e paguar në 12 muaj.
Si të kandidoni
Ja dokumentacioni për të dërguar:
- CV e përditësuar;
- letër motivim që ilustron arsyet e interesit për shpalljen dhe prejardhjen tuaj migratore;
- projekt kërkimor mundësisht që i përket një prej fushave të kërkimit FIERI, përkatësisht:
- Flukset migratore, lëvizshmëria evropiane brenda BE-së dhe transnacionalizmi (https://www.fieri.it/migration-flows-intra-eu-mobility-transnationalism/)
- Flukset e përziera, azili dhe mbrojtja ndërkombëtare (https://www.fieri.it/mixed-flows-asylum-and-international-protection/)
- Integrimi: kushtet, marrëdhëniet dhe perceptimet (https://www.fieri.it/integration-conditions-relations-and-perceptions/)
- Puna, sipërmarrja dhe remitancat (https://www.fieri.it/labour-entrepreneurship-and-remittances/)
- Politikat e integrimit dhe mirëqenies (https://www.fieri.it/integration-and-welfare-policies/)
- Racizmi, diskriminimi dhe diversiteti;
- Narrativat dhe tendencat në komunikimin publik mbi migracionin
- Krijimtaria dhe prodhimet artistike mbi migrimet dhe/ose nga subjektet me prejardhje migratore.
Megjithatë, këto fusha tematike nuk duhet të konsiderohen të detyrueshme: Komisioni do të vlerësojë gjithashtu projekt propozime të fokusuara në tema të ndryshme, për sa kohë që ato lidhen me fenomenet migratore. Projekti duhet të ketë një gjatësi treguese prej 12,000 karakteresh (përfshirë hapësirat), e cila përcakton temën të cilën kandidati synon të trajtojë, metodën e punës që ai synon të adoptojë dhe llojin e produktit që synon të nxjerrë nga kërkimi.
Si të kandidoni
Kandidaturat duhet të dërgohen ekskluzivisht në mënyrë elektronike në adresën e-mail fieri@fieri.it deri më 30 qershor 2022 (subjekt: SHPALLJA MIGRICERCA II). Kandidaturat që vijnë pas afatit nuk do të pranohen. Për më shumë informacion bando ufficiale Migriricerca II.
Për informacione të tjera, ju lutemi kontaktoni Yassin Dia (fieri@fieri.it, 011-5160044).
