ተደጋገምቲ ሕቶታት – መሰል ስራሕ፡ ሓጋዚ ሕቶታትን መልስታትን

ድሕነት ኣብ ናይ ስራሕ ቦታ ክበሃል ከሎ፡ ኩሎም
ሕግታትን መሳርሕን ተጠቂምካ ኣብ ስራሕ ቦታ ክኽሰቱ
ዝኽእሉ ጎዳእቲ ፍጻመታት ምክልኻል እዩ። ( ሓደጋን
መጉዳእትን ደቂ ተባዕትዮን ደቂ ኣንስትዮን ሰራሕተኛታት፡
ምጅማር ወይ ምምዕባል ሕማማት ኣብ ቦታ ስራሕ እዩ)
ስለዚ ድማ ናይ ስራሕ ቦታታት ውሑስ ምግባር።

ሕግታት ድሕነትን ጽሬትን ምኽታል ኣገዳሲ እዩ፣ ንዝኾነ
ሓደገኛ ኩነታት ኣቓልቦ ምሃብ፣ ኩሎም ብዛዕባ ድሕነት
ዝዋሃቡ ሓብረታት ድማ ምኽትታል። ኣብ ቦታ ስራሕ
ውን ጉቡእ ዝኮነ ንነብስካ መከላከሊ መሳርሒ
ምጥቃም።
ንኣብነት፥ ጫማ ናይ ስራሕ፥ ቆቢዕ፥ ጛንቲ ወዘተ።
ንሱ ድማ ብኣስራሒ ክቐርብ ኣለዎ። ዝኾነ ሓደገኛ ወይ
ዘይተለምደ ኩነታት እንተ ታዓዚብካ ምሕባር ኣገዳሲ እዩ።

ኣብ ኢጣልያ ብሓፈሻዊ ምሉእ ግዜ ናይ ስራሕ ሰዓታት
ኣብ ሰሙን 40 ሰዓታት ኮይኑ፡ ኣብ ዝገበርካዮ ውዕል
ግን ይምርኮስ። እቲ ናይ ስራሕ ኩንትራትካ ውን
ተወሳኪ ሰዓታት (overtime) ከማልእ ይክእል።
ብሓላፍነት ናይ ኣስራሒ ክከዉን ዘለዎ ኮይኑ
ብመልክዕ ጽሑፉን ሕግውነት ዝለበሰን ክከዉን
ኣለዎ።
ሓደ ሰራሕተኛ ኣብ ነፍሲ ወከፍ 24 ሰዓታት 11 ኸታተልቲ
ሰዓታት ዕረፍቲ ክረክብ ኣለዎ፡ ኣብ ሰሙን ድማ ብሓፈሻ
ምስ ሰንበት ብምግጥጣም እንተወሓደ ን24 ተኸታተልቲ
ሰዓታት ናይ ዕረፍቲ ግዜ ክረክብ መሰል ኣለዎ።
ዓመታዊ ዕረፍቲ እንተወሓደ ንኣርባዕተ ሰሙን ክወሃብ
ዘለዎ ኮይኑ ናይ ግድን ድማ እዩ።

ኣይፋል፡ ኢጣልያ ሓንቲ ካብተን ኣብ ሕብረት ኤውሮጳ
ዝተሓተ ደሞዝ ዘይብለን ሃገራት እያ።
ብመሰረት ኣብ ቀረባ እዋን ዝተገብረ መጽናዕቲ፡ ዝተሓተ
ደሞዝ ብማእከላይ ገምጋም ካብ 7 ክሳብ 9 ዩሮ ኣብ
ሰዓት ይከውን።

ብዛዕባ ምዝመዛ ኣብ ስራሕ ክበሃል ከሎ፣ ሓደ ሰብ
ብዘለዎ ብጸገማት ተገዲዱ ክሰርሕ ከሎ እዩ። ( ብትሑት
ዶሞዝ ወይ ብዘይ ሕጋዊ ኩንትራት ) ዘይፍትሓዊ ኩነታት
ስራሕ ድማ ይቅበል።
እቲ ኣስራሒ ጉልበት ሰብ መዝሚዙ ይከስብ።
መብዛሕትኡ ግዜ እቲ ግዳይ ምዝመዛ ኮይኑ ዘሎ ሰራሕተኛ
ይምዝመዝ ከም ዘሎ ከማን ኣይስተባህለሉን እዩ።

ብመሰረት ሕጊ ኢጣልያ ምዝመዛ ኣሎ ክበሃል
እንተኾይኑ፤
– እቲ ደሞዝ ምስ ሃገራዊ ደረጃታት ወይ ምስ
ዝተሰርሐ ሰዓታት ክነጻጸር ከሎ ኣዝዩ ትሑት እዩ፥
– ብዘይ ዕረፍቲ ምስራሕ፥ ኣብ በዓላት ዕረፍቲ
ዘይምርካብ ወይ ናይ ሕማም ፍቃድ
ዘይምርካብ፤
– ኣብ ስራሕ ሕግታት ድሕነት ኣይክበሩን።
– ኣብ ልዕሊ ዝሰርሑ ቁፅፅር ብዘዋርድ ወይ
ዘሕፍር ኣገባብ ይፍጸም፤
– ኩነታት ትቅመጠሉ ገዛውቲ ምቹእ ኣይኮነን፥
እቲ ገበን ኣዝዩ ከቢድ ይከውን እንተ እዞም ኣብ ታሕቲ
ተቂሶም ዘለዉ ኮይኑ፡
– ልዕሊ 3 ሰራሕተኛታት ዘሳትፍ ምስ ዝከዉን
– ትሕቲ ዕድመ ቆልዑት ዕድምኦም ንስራሕ
ዘይኣከለ
– ንሰባት ኣብ ከቢድ ሓደጋ ምእታው

እቶም ተግባራት ብዓመጽ ወይ ምፍርራሕ ዝፍጸሙ
እንተኾይኖም፡ ቅልጡፍ ግዴታዊ ማእሰርቲ ይብገስ: ኣብዚ
ጉዳይ እዚ ብዛዕባ ከቢድ ምዝመዛ ኣብ ስራሕ ኢና ንዛረብ።

ምዝመዛ ኣብ ስራሕ ምስ ካልኦት ከበድቲ ገበናት

– ባርነት
– ዘይሕጋዊ ምስግጋር ደቂ ሰባት (ንጉልበት፡
ምንዝርና፡ ልመና፡ ዘይሕጋዊ ምስግጋር ኣካላት)፡

– ምዕዳግ ወይ ምሻጥ ባሮት።

ሕጊ ኢጣልያ ግዳያት ዘይሕጋዊ ምስግጋር ሰባት ዝኾኑ ሰባት
ንምክልኻል ተኸታታሊ ስጉምትታት ይህብ፣ ባርነትን
ምዝመዛ ኣብ ስራሕ ይውግድ። ብፍላይ ድማ እቲ ቀዳማይ
ኣብ ግምት ክኣቱ ዘለዎ መሳርሒ ዓንቀጽ .18 እዩ። እዚ
ዓንቀጽ እዚ ድማ፡ ኣብ ጉዳይ ግዳያት ዘይሕጋዊ ምስግጋር
ሰባት ወይ ኩነታት ዓመጽ ወይ ከቢድ ምዝመዛ ኣብ ስራሕ
ዝኾኑ ወጻእተኛታት፡ "ንፍሉይ ጉዳያት መንበሪ ፍቓድ"
ዝበሃል ፍሉይ መንበሪ ፍቓድ ናይ ምሃብ ተኽእሎ ዝህብ
እዩ።

እወ፥ እቶም ኣገባባት ግን  ከከም  ኩንታቱ ይፈላለዩ፥

• ዘይሕጋዊ ምስግጋር ደቂ ሰባት፡ ዓመጽ ወይ ከቢድ ምዝመዛ እንተሃልዩ እቲ ሰብ ን”ፍሉይ ጉዳያት” መንበሪ ፍቓድ ክሓትት ይኽእል። ( ዓንቀጽ 18 Testo Unico Immigrazione)  ክትወስደሉ ትኽእል ድማ  ክልተ  መንገድታት ኣለዉ።

• ጸብጻብ ከይሃብካ ፡ ግን ከኣ ናብ መስርሕ ማሕበራዊ ሓለዋ ምእታው (ብማእከላት ጸረ ዓመጽ፡ ጥዕናን ማሕበራዊ ኣገልግሎታትን፡ ከምኡ’ውን ካልኦት መሓውራት)፤
• ናብ ሕጊ ጠሪዕካ ገበናዊ መስርሕ  ምጅማር።

እዚ ፍቓድ ን6 ኣዋርሕ ዝጸንሕ ኮይኑ፡ ኣድላዪ እንተኾይኑ ብሕጋዊ ምኽንያት ንሓደ ዓመት ወይ ልዕሊኡ ክሕደስ ይኽእል።

• እቲ ገበን   ብዛዕባ ምዝመዛ  ኣብ  ስራሕ ዝምልከት ኣብ እዋን ፈተሻ፡  ወይ መርመራ እንተተረኪቡ፡

“ፍሉይ ጉዳያት – ዓንቀጽ 18 ተር” ዝብል መንበሪ ፍቓድ ክረክብ ይከኣል፡ እዚ እውን ን6 ኣዋርሕን ዝሕደስን እዩ።

ዋል እቶም ኣብ ኢጣልያ ዝርከቡ ኣባላት ስድራቤት ናይቲ ግዳይ ከይተረፉ ብስድራቤታዊ ምኽንያት ፍቓድ ክረኽቡ ይኽእሉ፣  ካብቲ ተቓላዕነታዊ ኩነታት ንምውጻእ (ንምድሓን)።

ኣይፋል፡ ንፍሉያት ጉዳያት መንበሪ ፍቓድ ንምርካብ ዝቐረበ

 ሕቶ ስዒቡ፡ ዳኛ ነቲ መስርሕ የቋርጾ፡ መንበሪ ፍቓድ እንተተዋሂቡ ድማ፡ እቲ ጉዳይ ክስረዝ ይእዝዝ፡ ነቲ መስርሕ ድማ ይዛዝሞ።

እቲ ምዝመዛ  እንድሕር ኣብ እዋን  ናይ  ፖሊስ መርመራ  ወይ ኣብ ሕጋዊ መስርሕ እንተተረኺቡ፡ እቲ ሕጊ ግድን ነቲ ግዳይ ኮይኑ ዘሎ  ክሕብር ኣይግድድን።

ግን ኣብ እዋን ገበናዊ መስርሕ ንመለለዪ ተሓተትቲ  ሰባት ዝገብሮ ጠቓሚ ኣበርክቶ ጥራይ እዩ።

እንተኾነ ግን፡ ተቖጻጻሪ ስራሕ (መሰል ሰራሕተኛታት ዝከታተል ህዝባዊ ኣካል) ነቲ ምዝመዛ እንተድኣ ብመልኽዕ ጸብጻብ ኣቅሪቡ፡ መንበሪ ፍቓድ ንምርካብ ኣወንታዊ ርእይቶ ክህብ ይኽእል።

ኣይፋል፡ መንበሪ ፍቃድ ንክትወሃብ ብሕጊ ትሕተቶ ኣይኮነን። ብስድራ ምኽንያት መንበሪ ፍቓድ ክጥቀሙ ንዝኽእሉ ኣባላት ስድራቤት ግን ግዴታ ድዩ ኣይኮነን ዛጊት ንጹር ኣይኮነን።

ብዝኾነ ኮይኑ መንበሪ ፍቓድ ኣብ ትሓተሉ እዋን፡ ብመሰረት ኣብ ዓንቀጽ 18-ter ዝተጠቕሰ  እቲ ሰብ ክነብረሉ ዝሓሰበሉ ቦታ ምምልካት የድሊ።

 መደበር  ፖሊስ – ቤት ጽሕፈት ኢሚግሬሽን ኣገዳሲ ረቛሒ ኮይኑ እንተረኺብዎ፡ ብጽሑፍ ምኽንያት ምሕታትን ጠበቓ ምውካስን ይምከር።

ዝርዝር ሕጋዊ ሓገዝ ብነጻ ዝህባ ኣብ ታሕቲ  ተወከስ፤

https://www.jumamap.it/map/litemap.php?ser=leg

ካርታ ናይ ከባቢ ተቖጻጸርቲ ስራሕ ተወከስ፤

https://www.ispettorato.gov.it/lagenzia/struttura-organizzativa/le-sedi-inl/cerca-le-sedi-territoriali/

እቲ “ፍሉይ ጉዳያት” ዝብል መንበሪ ፍቓድ፡ ኣገልግሎት ድሕነትን ትምህርትን ንምርካብ፥   ኣብ ህዝባዊ ቤት ጽሕፈት  ቀብሌ ( comune)ምምዝጋብ ከምኡ ውን  ማእከላት ስራሕ ንምስታፍ  የኽእል።

እወ፡ እቶም  መንበሪ ፍቓድ ዘመልከቱ ስራሕ ክጅምሩ ይኽእሉ እዮም። 

እቲ  ንመንበሪ ፍቃድ ምስ ሓተትካ ዝዋሃበካ ቅብሊት ወረቀት ኣብ ኢጣልያ ክትጸንሕን፡ ክትሰርሕን የኽእለካ እዩ፡  ዋላ እኻ እቲ ዕላዊ መንበሪ ፍቃድ እንተዘይተዋህበካ።