ካርዲ ስንክልና (Disability Card): ምንቅስቓስን ምብጻሕ ኣገልግሎታትን ዝቐልል መሳርሒ

ካርድ ስንክልና (ወይ ኣውሮጳዊት ካርድ ስንክልና) ንምሕያው ምስታፍ ሰባት ስንኩላን ኣብ ማሕበረሰብ፣ ንምዕባይ ርእሰ-ምምሕዳርኦምን ንምቕላል ምብጻሕ ኣገልግሎታትን ዝተዳለወት ካርድ እያ።

እዛ ካርድ ኣካል ናይቲ ኣብ ደረጃ ሕብረት ኤውሮጳ ዝተጀመረ ተበግሶ ኮይና፣ ሰባት ስንኩላን ኣብ ካልእ ሃገር እውን ኩነታቶም ንኽፍለጥን ንኣገልግሎታት፣ ምቕላላትን ፍሉይ ኣተሓሕዛን ብቐሊሉ ክረኽቡ ይሕግዝ።

Disability Card እቲ ስንክልና ብስልጣን ዘለወን ህዝባዊ ትካላት ብወግዒ ከም ዝተረጋገጸ ዘረጋግጽ ሰነድ እዩ። ይኹን እምበር፣ መንነት ዘረጋግጽ ሰነድ

(ከም ካርድ መንነት ወይ ፓስፖርት) ኣይትክእን።

…መንነት ዘረጋግጽ ሰነድ ኣይኮነን። ስለዚ፣ ኩሉ ግዜ ምስ ሓደ ዋጋ ዘለዎ ሰነድ መንነት (ንዜጋታት ወጻኢ ሃገር፣ ዋጋ ዘለዎ Permesso di Soggiorno ወይ ድማ ናይ ምሕዳስ መቐበሊ ሰነድ) ብሓባር ክትቀርብ ኣለዋ።

እቲ ብዛዕባ ኩነታት ስንክልና ዝምልከት ሓበሬታ፣ ኣብ ድሕሪት እታ ካርድ ዝርከብ QR Code ውሽጢ ይርከብ። እቲ QR Code ነቲ ዋና ካርድ ስንኩል ምዃኑ ጥራይ ንምርግጋጽ ይጥቀም፣ ሕግታት ምሕላው ውልቃዊ ሓበሬታ (privacy) እውን ይኽተል።

ኣብ ቅድሚት እታ ካርድ ድማ፣ እቲ ሰብ ተሰናዪ ወይ ዝለዓለ ደረጃ ደገፍ ከም ዘድልዮ እንተ ተኣሚኑሉ፣ ፍሉይ ምልክት ይርአ።

ኩነታት እቲ ሰብ ኣብ ግዜ እንተ ተቐይሩ፣ ብሰንኪ እዚ ጥራይ ሓዲሽ Disability Card ምሕታት ኣየድልን። ምኽንያቱ፣ ኣብ QR Code ዘሎ ሓበሬታ ብመሰረት እቲ INPS ዘመዝገቦ ሓበሬታ ብኣውቶማቲክ ይሕደስ።

ይኹን እምበር፣ ብድሕሪኡ ተሰናዪ ወይ ዝለዓለ ደረጃ ደገፍ ከም ዘድሊ እንተ ተኣሚኑ፣ እቲ ሓበሬታ ኣብ ቅድሚት እታ ካርድ እውን ንኽርአ ሓዲሽ Disability Card ምሕታት የድሊ።

ካርድ ስንክልና ኣብዞም ዝስዕቡ ኩነታት ክትጥቀመሉ ትኽእል፦

• ኣብ ጣልያን፣ ኣብ ህዝባዊን ገለ ብሕታዊ

ትካላትን ኩነታት ስንክልናኻ ንምርግጋጽ።

ኣብ ጣልያን፣ ኣብ ህዝባዊ ምምሕዳራትን ህዝባዊ ቤት ጽሕፈታትን፣ ኣብ ክንዲ ናይ ወረቐት ሰነዳት (verbali) ብምቕራብ፣ ኩነታት ስንክልናኻ ንምርግጋጽ።

• ኣብ ጣልያንን ኣብ ካልኦት እተን ኣውሮጳዊት Disability Card ዝቕበላ ሃገራትን (ሕጂ እዚኣተን ዝስዕባ ሃገራት፦ ቤልጅም፣ ቆጵሮስ፣ ኤስቶንያ፣ ፊንላንድ፣ ማልታ፣ ሮማንያን ስሎቬንያን)፣ ብመሰረት እቲ ኣብ እተን ሃገራት ዘሎ ስምምዓት፣ ኣገልግሎታት፣ ንጥፈታት፣ ኣቕሓትን ዝተፈላለዩ ምቕላላትን ንምርካብ።

ዝያዳ ናጽነት ኣብ ምንቅስቓስ

ሓደ ካብቶም ቀንዲ ጥቕምታት Disability Card ምስ መጓዓዝያን ምንቅስቓስን ዝተሓሓዝ እዩ።

ኣብ ብዙሓት ከተማታት ጣልያን፣ እዛ ካርድ ኣብ ከባቢያዊ ህዝባዊ መጓዓዝያታት፣ ከም ኣውቶቡሳት፣ ሜትሮን ናይ ዞባ መስመራት ባቡራትን፣ ብመሰረት ሕግታትን ስርዓታትን ናይ ነፍሲ ወከፍ ትካልን ኩባንያ መጓዓዝያን፣ ዋጋ ቅናሽ፣ ምቕላል ወይ ኣብ ገለ ኩነታት ካብ ክፍሊት ነጻ ምዃን ከተማቻችእ ትኽእል።

ካብቶም ዝያዳ ኣገደስቲ ምቕላላት ሓደ እቲ ብTrenitalia ዝቐርብ እዩ።

ዋኖት ናይ Disability Card ኣብ ቅድሚት እታ ካርድ ናይ ምስናይ ዘድሊ ምልክት (ፊደል “A”) ዘለዎም ሰባት፣ ብተወሳኺ ብቕናሽ ዋጋ ትኬት ክረኽቡ ዝኽእሉ ኮይኖም፣ ነቲ ዝስንዮም ሰብ ኣብ ምሉእ መሬት ጣልያን ብነጻ ክጓዓዝ ይኽእል።

እዚ ምቕላል ብመሰረት…

እዚ ምቕላል ኣብ ሃገራዊ ኣገልግሎታትን ኣብ ዞባዊ ኣገልግሎታትን፣ ብመሰረት እቲ Trenitalia ዘቕረቦ ኩነታትን ሕግታትን ይፍቀድ።

እቶም ምቕላላት ከከም ዓይነት ባቡርን ከባቢን ክፈላለዩ ይኽእሉ። ስለዚ፣ ኣብቲ ከባቢ ዝርከቡ ህዝባዊን ብሕታዊን ትካላት ዝፈረምዎም ስምምዓት (convenzioni) ኩሉ ግዜ ምርግጋጽ ኣገዳሲ እዩ።

ኣብ Valle d’Aosta ትርከብ እንተ ኾንካ፣ እዚ ገጽ ክጠቕመካ ይኽእል፦

Regione Autonoma Valle d’Aosta – Trasporti

ባህሊ፣ ስፖርትን ግዜ ምዝናይን

Disability Card ብተወሳኺ ኣብ ብዙሓት ቦታታትን ንጥፈታትን ባህሊ፣ ብነጻ ወይ ብቕናሽ ዋጋ ንምእታው የኽእል። ካብዚኣቶም ሙዚየማት፣ ቅርሳዊ ቦታታት፣ ቲያትራት፣ ምርኢታትን ካልኦት ፍጻመታትን ይርከቡ።

ብዙሓት ማእከላት ስፖርትን መዘናግዕን ምስቲ ዝተፈረመ ስምምዓት ብምስማር፣ ቅናሽ ዋጋን ካልእ ምቕላላትን ይህቡ።

ኣብ ዝተፈላለዩ ከባቢታት ዘለዉ ንጡፋት ኣገልግሎታት ዝርዝር ንምርካብ፣ ኣብዚ ጠውቕ፦

https://disabilita.governo.it/it/carta-europea-disabilita-ced/dove-utilizzarla/

መመልከቲ ንምውጻእ ካርድ ስንክልና ናብ INPS ብዝተዳለወ ናይ ኦንላይን ኣገልግሎት ክቐርብ ኣለዎ።

(ናይ INPS ኦንላይን መድረኽ) ወይ ድማ ብመንገዲ እተን ንሰባት ስንኩላን ዝውክላ እሞ ነቲ ናይ ኦንላይን መስመር ንምጥቃም ፍቓድ ዝተዋህበን ማሕበራት ምቕራብ ይከኣል፦

• ANFFAS (ኣብዚ ሊንክ ኣብ ደረጃ ሃገር ብINPS ንምውጻእ Disability Card ፍቓድ ዝተዋህበን ትካላት Anffas ክትረኽብ ትኽእል፦
  http://www.anffas.net/it/news/16827/strutture-anffasaccreditate-al-rilascio-della-disability-card/)
• ANMIC፤
• UICI፤
• ENS።

ኣብ ጉዳይ ትሕቲ ዕድመ ቈልዓ፣ መመልከቲ ብእቲ ናይ ወላዲ ሓላፍነት ዝፍጽም ሰብ፣ ብሕጋዊ ሓላዊ (tutore legale) ወይ ድማ ብእቲ ኣብ ሓላፍነት ዝተቐበሎ ስድራ ቤት (እቲ ቈልዓ ኣብኡ ክጸንሕ እንከሎ) ክቐርብ ኣለዎ።

መመልከቲ ንምቕራብ ብሓፈሻ እዞም ዝስዕቡ ክህልዉ ይግባእ፦

• ቀረባ ግዜ ዝተወስደ ናይ ፓስፖርት መጠን ስእሊ (fototessera)፤
• ኣብ ሓደሽቲ ናይ ኮምፒዩተር ማህደራት ዘይርከቡ ካብ 2010 ቅድሚ ዝኾኑ ናይ ወረቐት ምስክር ሰነዳት (verbali)፤
• ናይ ቤት ፍርዲ ውሳነታት ወይ ካልእ ኩነታት ስንክልና ዘረጋግጽ ሰነድ።

INPS ኣብ ናቱ ማህደራት ዝርከብ ሓበሬታ ተጠቒሙ፣ እቲ ዘድሊ መስፈርታት እንተ ተማሊኡ ብኣውቶማቲክ የረጋግጽ።

ሓታቲ ምስ ተፈቕደሉ፣ እታ ካርድ ብIstituto Poligrafico e Zecca dello Stato ትዳሎ እሞ ናብ…

ብቐጥታ ናብ መንበሪ ገዛ ናይቲ መመልከቲ ዘቕረበ ሰብ ብመንገዲ Poste Italiane ይልኣኽ።

እቲ መስርሕ ካብቲ ምሉእ ሓበሬታን እቲ ዘድሊ ሰነዳትን ዝሓዘ መመልከቲ ዝቐረበሉ ዕለት ጀሚሩ ኣብ ውሽጢ 60 መዓልታት ክዛዘም ኣለዎ።

Disability Card ክሳብ 10 ዓመት ዝኸውን ናይ ግዜ ገደብ ኣለዋ። ይኹን እምበር፣ እቲ ናይ ጥዕና ኩነታት ዘድሊ መስፈርታት እንተ ተቐይሩ፣ INPS ቅድሚ እቲ ግዜ ምውዳኡ ክትምልሳ ይኽእል።

እታ ካርድ እንተ ጠፊኣ፣ እንተ ተሰቢራ ወይ እንተ ተሰሪቓ፣ ኣብ መርበብ ሓበሬታ INPS ሓዳስ ካርድ ንምሕታት ይከኣል። እዚ ሓድሽ ሕቶ ብኣውቶማቲክ ነታ ቀዳመይቲ ካርድ የሰርዛ።

እታ ካርድ እንተ ተሰሪቓ ወይ እንተ ጠፊኣ፣ እቲ ናብ ሓለዋ ሕጊ (Forze dell’ordine) ዝቐረበ ጥርዓን ወይ ሪፖርት ቅዳሕ እውን ምስ መመልከቲ ክተኣሳሰር ኣይትረስዕ።

ካብ ታሕሳስ 2024 ጀሚሩ፣ ካርድ ስንክልና  ኣብ ዲጂታላዊ ቅርጺ እውን ኣብ App IO፣ ኣብቲ ንውልቃዊ ሰነዳት ዝተዳለወ ክፍሊ፣ ክትርከብ ጀሚራ።

ነቲ ዲጂታላዊ ቅርጺ ንምጥቃም፣ እዞም ዝስዕቡ ክህልዉ ኣለዎም፦

ቀዲምካ ናይ ወረቐት (ፊዚካዊ)ካርድ ስንክልና  ይህልወካ፤

SPID ወይ ድማ Carta d’Identità Elettronica (CIE) ክህልወካ፤

App IO ኣብ መሳርሒኻ ተተኺላ ክትህሉ ኣለዋ።

እቲ ዲጂታላዊ ቅርጺ ከምቲ ኣብ ፊዚካዊት ካርድ ዘሎ ተመሳሳሊ ሓበሬታ ይሓዝ፣ ብተወሳኺ ድማ ትኽክለኛነቱ ንምርግጋጽ ዘኽእል QR Code ሓቅነት ይሓዝ።

ዲጂታላዊት ካርድ ምስ ፊዚካዊት ካርድ ሓደ ዓይነት ዋጋ ኣለዋ፣ ግን ንፊዚካዊት ካርድ ኣይትትክእን። እታ ፊዚካዊት ካርድ ገና ኣላን ክትጥቀመላን ትኽእል።