ስድራ ቤት መሊስካ ምትእኽኻብ

ናይ ስድራ ቤትካ ኣባላት ብሕጋውን ውሕስነቱ ብዝሓለወን መንገዲ ናብ ዓዲ ጥልያን ንምምጻእ ዘኽእልን መስርሕ እዩ።

ኣየኖት ናይ ስድራ ቤተይ ኣባላት እዮም ናብ ዓዲ ጥልያን ከምጽኦም ዝኽእል?

ነዞም ዝስዕቡ ናይ ስድራ ቤትካ ኣባላት ንኽትተኣኻኸብ ክትሓትት ትኽእል፦

ንሰብ ሓዳር (ሰብኣያ ወይ ሰበይቱ) ብሕጋዊ መንገዲ ዘይተፋትሑን ዕድመኦም እንተነኣሰ 18 ዝመልኡ፣ ወይ ብሕጋዊ መንገዲ ጥርኑፋት (ኣብ ወጻኢ ይኹን ኣብ ጣልያን) ፡ ኣብ ዓዲ ጥልያን ዘይነብር ወይ ዘይትነብር ወዲ/ጓል ወጻኢ ዜጋ
ንትሕቲ ዕድመ ደቆም፣ ከም ደቆም ንዘዕበይዎም፣ ብሓደራ ዝወሰድዎም፣ ብዕርክነት ወይ ካብ ሓዳር ወጻኢ ንዝተወለዱ፣ ዘይተመርዓዉን ካሊእ ወላዲ እንተሎ ናቱ ፍቓድ ምስ ዝህብን
ልዕሊ ዕድመ ኮይኖም ኣብ ትሕቲኦም ንዝነብሩ፣ ምኽንያት ዘለዎ ኣድላዪ ድልየታቶም ከማልኡ ዘይክእሉን ሙሉእ ብሙሉእ ጎዶሎ ኣካላት እንተኾይኖምን
ኣብ ትሕቲ ሓላፍነቶም ንዝርከቡ ክሳብ 65 ዓመት ዕድመኦም ወለዲ፡ ኣብ ዓዶም ወይ ካብቲ ዝመጹሉ ሃገር ካለኦት ደቂ እንተዘይብሎም
ኣብ ትሕቲ ሓላፍነቶም ንዝርከቡ ካብ 65 ዓመት ንላዕሊ ዝኾኑ ወለዲ፡ ካለኦት ውላድ እንተሃለውዎም እውን ክጥውርዎም ከምዘይክእሉ መረጋገጺ ሰነድን ከቢድ ናይ ጥዕና ጸገም ምስ ዝህልዎምን

ትሕቲ 18 ዓመት ኮንካ ካብ ወለድኻ ወይ ሓላፍነት ክወስዱልካ ካብ ዝኽእሉ ስድራቤት ተፈሊኻ ትነብር እንተኾንካ እሞኸኣ ኣብ ዓዲ ጥልያን ናይ ዑቕባ መንበሪ ወረቐት እንተተዋሂቡካ፡ ኩነታቶምን ዕድመኦምን ዝኾነ ይኹን ብዘየገድስ ናብዘለውዎ ንኽትጥርነፍ መሰል ኣለካ።

ስድራ ቤተይ መሊሰ ክጥርንፍ ንምሕታት እንታይ የድልየኒ?

ዓለም ለኻዊ ናይ ዑቕባ መንበሪ ፍቓድ ንዘለዎ፡ ስድርኡ መሊሱ ንምጥርናፍ ዘድልይዎ፦

መንበሪ ፍቓድ ዘይወደቐ ወይ ኣብ ናይ ምሕዳስ ከይዲ ዘሎ ክኸውን ኣለዎ። በዚ ኩነታት፡ እቲ ሕቶ ኣብ ውሽጢ 60 መዓልታት ክቐርብ ኣለዎ

ፓስፖርት ወይ ናይ ጉዕዞ ሰነድ (እንተሎ)

ናይ ዝምድና ርክቦም ፣ ትሕቲ ዕድመን ናይ ቤተሰብነት ሰነድ ዘመልክቱ ሰነዳት (እንተሎ)።

ኣብ ዓዲ ጥልያን ውሽጢ ብኻልእ ዝተፈላለዩ መንበሪ ፍቓዳት ብሕጋዊ ዝነብሩ ሰባት ኣታዊኦምን መንበሪኦም ብቑዕ ሙኻኑ ዘረጋግጹ ሰነዳት ከማልኡ ኣለዎም። ብዝተፈላለዩ መንበሪ ፍቓዳት ንዝነብሩ፡ ስድራኦም ንምጥርናፍ ብዝምልከት ተወሳኺ ሓበሬታ ንምርካብ ኣድለይቲ ሰነዳትን ንምፍላጥ፡ ናይ መልቲንግ ፖት ኣውሮጳ Melting pot Europa መርበብ ምርኣይ ይከኣል።

ናይ ስድራቤት መሊስካ ምጥርናፍ ሰነድ ሕቶ (ኑላ ኦስታ)

ናይ ስድራቤት መሊስካ ናይ ምጥርናፍ ሕቶ ሰነድ ብኸመይ ይጅምሮ?

እቲ መስርሕ ክልተ መንገዲ ኣለዎ፦ ቀዳማይ ናይ ስድራቤት መጠርነፊ ሰነድ፡ ካብ ናይ ስፖርቴሎ ኡኒኮ ኢሚግሬስን ካብቲ ዝምልከቶ ፕሬፌቱራ ዝወሃብ ቀጺሉ ድማ ኣብ ወጻኢ ዝርከብ ናይ ጥልያን ኤምባሲ ተወካሊ ቪዛ ምሕታት። ናይ ስድራቤት ጥርናፈ ንምሕታት፦

ስፒድ ዝበሃል ኣብ መርበብ ትጥቀመሉ መንነት ክህልወካ ኣለዎ። (ኣብ ፖስታ ቤት ከድካ ከተውጽኦ ትኽእል)
ናይ 16 ኤውሮ ማርካ ዳ ቦሎ ምግዛእ
ብመንነት ናይ ስፒድካ ተጠቂምካ ኣብቲ ትደልዮ መርበብ እቶ www.nullaostalavoro.dlci.interno.it ደሓር እቲ ሞደል ዝሓቶ ብምምላእ እቲ ቁጽሪ ናይ ማርካ ዳ ቦሎ ኣእትዎ
ብድሕሪዚ ካብቲ ካብቲ ከባቢኻ ዘሎ ስፖርተሎ ኡኒኮ ቤት ጽሕፈት ኢሚግሬሽን መጸዋዕታ ምስመጸካ ነዞም ዝስዕቡ ሰነዳት ሒዝካ ቅረብ፦

እታ ኦርጅናል ኣብ መርበብ ዝመዝገብካይ ማርካ ዳ ቦሎ

ካልኣይቲ ማርካ ዳ ቦሎ ናይ 16 ኤውሮ ኣብቲ ኑላ ኦስታ ትልጠፍ

መንበሪ ፍቓድ ወረቐትካን ቅዳሕን

ናይቶም ተምጽኦም በተሰብካ ቅዳሕ ሰነዳት (እንተሎ)

ስድራ ቤትካ ሙኳኖም መርጋገጺ ዝኸውን ናይ ስድርቤት ዝርዝርን መንበሪን ሰነድ (ባዕልኻ ጽሒፍካ ብምፍራም እውን ከተቕርቦ ትኽእል)

ኑላ ኦስታ ተቐሪቡ ምስተወሃበካ ናብቲ ዝምልከቶ ቪዛ ዝህብ ቤት ጽሕፈት ኤምባሲ ሒዞሞ ንኽቐርቡ ናብቶም ዝመጹ ስድራቤትካ ኦርጅናል ልኣኽ፡ ከምኡ ድማ እቲ ኤምባሲ እውን ካብ ስፖርተሎ ኡኒኮ ብመርበብ ነቲ ሰነድ ተቐቢልዎ ይጸንሕ።

ብድሕሪዚ በቲ ናይ ስፖርተሎ ኡኒኮ ስልኪ ቁጽሪ ስድራኻ ንመዓስ ቆጸራ ከምዝተወሃቦም መልእኽቲ ይመጸካ። ብሓቂ ፡ ስድራቤትካ ናብ ዓዲ ጥልያን ምስ ኣተዉ፡ 8 መዓልታት ኣለካ ንስፖርተሎ ኡኒኮ ከተፍልጦም ብድሕሪኡ መንበሪ ፍቓድ ንክወሃቡ ቆጸራ ከምዝተተሓዘሎም ምሕታት።

ክንደይ ግዜ የድሊ?

ኩሉ እንድሕር ብልክዕ መሊእካዮ እሞ ሕቶኻ ተቐባልነት እንተረኺቡ ካብታ ዝሰደድካላ ኣብ ውሽጢ 90 መዓልታት እቲ ስድራኻ ዝጥርነፍሉ ኑላ ኦስታ ትወሃብ። ብዝኾነ ምክንያት እቲ ዘቕረብካዮ ናይ ኑላ ኦስታ ሕቶ እንተተነጺጉ እሞ መሰል ከም ዘለካ እንተኣሚንካሉ ኣብ ትነብረሉ ቦታ ዝርከብ ቤት ፍርዲ (ፍሉይ ቤት ፍርዲ) ይግባይ ክትብል ትኽእል ኢኻ። ሕጊ ከምዝብሎ እቲ ቪዛ ኣብ ውሽጢ 30 መዓልታት ክወሃብ ኣለዎ እንተኮነ ግን ካብኡ ንላዕሊ ክወስድ ይኽእል።

ተጠንቀቕ!

እቲ ናይ ሕቶ ሰነድ መሊእካ ቅድሚ ምስዳድካ፡ ብሕልፊ ድማ ናይ ስድራቤትካ ስምን መዓልቲ ልደትን ብጥንቃቐ ከምተመልአ ኣረጋግጽ። እቲ ትመልኦ ሽምን መዓልቲ ልደቶምን ምስቲ ፓስፖርቶም ሓደ ክኸውን ኣለዎ።
ስድራኻ ዝርከብሉ ናይ ትውልዲ ቦታ ወይ መንበሪ ምልኣዮ። ኣብዘን ሃገራት ናይ ጥልያን ኤምባሲ ዝውክል ዲፕሎማስያዊ ልኡኽ እንተዘየለ ስድራኻ ኣበይ ሃገር ቪዛ ክሓቱ ከምዝኽእሉ ኣመልክት። ደሓር ስድራካ ዝነብሩሉ ሃገር ምቕያር ይከኣል እዩ፡ ግን ብፕረፌቱራ ዝቕየር ኮይኑ ግዜ ክወስድ እውን ይኽእል።
ዓለም ለኻዊ ናይ ሓለዋ መንበሪ ፍቓድ ዘለዎም፡ ነቲ ናይ መንበሪ፣ ኣታውን ናይ ሕክምና ኢንሹራንዝን መልሲ ክህብሉ ኣይምልከቶምን።
እቲ ኑላ ኦስታ ካብዝተወሃበሉ ጀሚሩ ን 6 ኣዋርሕ ግዜ ኣለዎ፡ ስለዚ ቅድሚ 6 ወርሒ ናብቲ ኤምባሲ ክኣቱ ኣለዎ። ንቪዛ ዘድሊ ኩሉ ሰነዳት ኣቐዲሙ ምድላዉ ኣረጋግጽ፡ ከምኡ ድማ ካብ ኤምባሲ ናይ ቆጸራ ምድኑጓይ እንተሃልዩ ናብ ኑሜሮ ቨርደ ኣርቺ፣ ኣብ ከባቢካ ንዘለዉ ማሕበራት ወይ ናብ ጠበቓ ኣመልክት።

ብካሪታስ ናይ ዓዲ ጥልያን፣ ኮንሶርስዮ ኮሙኒታስን ዩኤንኤችሲኣርን ዝተዳለወ፡ ንዝበለጸ ሓበሬታ ኣብዚ መርበብ ረኣይ: http://ricongiungimento.it/

ናይ ቪዛ ሕቶ ኣብ ወጻኢ ንዝርከቡ ናይ ጣልያን ኣዋፈርቲ (ኤምባስን ቆንስላን)at

እንታይ ዓይነት ሰነዳት የድልዩ? ካብ ኣብ ወጻኢ ሃገር ዝርከቡ ናይ ጥልያን ኤምባሲታት ዝርከብ ናይ ሰነድ ሓበሬታ ርኸብ

እቲ ኑላ ኦስታ ምስተቐበልካዮ ነቲ ኦሪጂናል ናብ ስድራቤትካ ክትልእኮ ኣለካ። ንሳቶም ምስተቐበልዎ ድማ ኣብ ኤምባሲ ብምኻድ፡ ቪዛ ዝወሃብሉ ቆጸራ ክሕዙ ኣለዎም።

ተጠንቀቕ!

ስድራቤት ሙኳንኩም ዘረጋግጹ ሰነዳት ኩሎም ብጥልያን ተቶርጒሞም ሕጋዊ ኩኾኑ ኣለዎም።
ኣድላዪ ኮይኑ ምስ ዝርከብ እቶም ናይ ጥልያን ናይ ዲፕሎማሲ ሓላፍነት ዘለዎም ሰባት ተወሳኺ ሰነድ ክሓቱ ይኽእሉ፡ ኩሉ ሰነዳት ብኦርጂናልን ቅዳሕን ክቐርብ ኣለዎ። እቲ ቅዳሕ ምሰኦም ኣትሪፎም እቲ ኦሪጂናል ንኣመልካቲ ይመልስዎ። ናይቲ ኣብ ዓዲ ጥልያን ዝርከብ ናይ ስድራ ቤት ኣባል ናይ ፓስፖርቱ ወይ ናይ መንነቱ ቅዳሕ ተቐባልነት የብሉን።
ብሽምን ሽም ኣቦን ምግልባጥ ወይ ጉጉይ ናይ ልደት መዓልቲ፡ ኣብ ኑላ ኦስታ ዝተጸሓፈ ናይ በዓል ሓዳር፣ ናይ ውሉድ ወይ ናይ ወለዲ ኣስማት ናይ ፊደል ጌጋ ምስ ዝህልዎም፡ ነቲ ዘመልከትዎ ንኽደናጔ ዕንቅፋት ይኾኑ። ነዚ ንምስትኽኻል ድማ ናይ ጥልያን ፖልስ ቤት ጽሕፈት ሓላፍነት እዩ። ኣብቲ ቪዛ ንምሕታት ዝተመልኤ ሰነድ ናይ ሓታቲ ዝሰርሕ ናይ ሞባይል ስልክን ናይ ኢ – መይል ኣድራሻን ከስፍር ኣለዎ። እቲ ቆንስል ኣድላዪ ዝብሎም ሰነዳት ክልእኽ ስለዝኽእል፡ እቲ ኣመልካቲ ኢ – መይሉ ክከታተል ኣለዎ። እንተተኻኢሉ ነቲ ሕቶ ብፔክ መልሲ ክወሃበሉ ዝበለጸ። ብፔክ ክለኣኽ ምግባር ይምከር፡ ይከኣል እዩ፡ ነዚ ንምግባር ድማ ናብ ናይ ከባቢ ማሕበራት ወይ ድማ ናብ ጠብቓ ምኻድ።
ኣስተውዕል፡ ንሳልሳይ ኣካል ክፍሊት ብምፍጻም፡ ነቲ ናይ ስድራ ምጥርናፍ ኣሰራርሓ ውጽኢታዊ ወይ ቀሊል ክኸውን እዩ ኢልካ ኣይትሕሰብ፡ ዘራኽብ የብሉን።
እዚ ቪዛ ዘገልግሎ ን 1 ዓመት እዩ።
ን ዲኤንኤ ምርመራ ብዝምልከት ኣብ ናይ ኑሜሮ ቬርደ ኣርቺ ናይ ነጻ ስልኪ ቁጽሪ ወይ ኣብ ናይ ዓለም ለኸ ናይ ስደተኛታት ድርጅት ኦይም (OIM) በዞም ዝስዕቡ ስልኪ ቁጽርታት ተወከሶም፦ (OIM: +39 06 441609.225 /233 /260 /210)። ናይቲ ምርመራ ዋጋ ንሓደ ሰብ ናይ 230 ኤውሮ ክፍሊት ኣለዎ። ንመመርመሪ ክትከፍል ዘይትኽእል እንተኾንካ፡ ውሕስነት ናብ ዘለወን ማሕበራት ብምድዋል ብነጻ ንኽግበረልካ ሓገዘን ክትሓትት ትኽእል።
ንዝበለጸ ሓበሬታ፣ ድጋፍ ወይ ምኽሪ፤ በዘይ ኣግባብ ሓላፍነቶም ብምጥቃም ንዝወርደካ ግፍዒ ወይ ናይ መሰል ምጥሓስ ምስ ዘጋጥመካ ናብ ኣብ ዓዲ ጥልያን ዘለዋ ናይ ከባቢ ማሕበራት ወይ ናብ ዝኽፈሎ ጠበቓ ተወከስ።